మన ఊరు. మన వార్తలు.

ఆంధ్రప్రదేశ్ తీర ప్రాంత అభివృద్ధికి కీలకమైన అన్నవరం–బాపట్ల కోస్టల్ రైల్వే కారిడార్ ప్రాజెక్టును ప్రాధాన్యంగా తీసుకోవాలని ఎంపీ ఉదయ్ శ్రీనివాస్ గారు కేంద్ర రైల్వే మంత్రిని కోరారు. ఈ విషయాన్ని పార్లమెంట్‌లో ప్రసంగిస్తూ ఆయన ప్రస్తావించారు. సుమారు 335 కిలోమీటర్ల ఈ ప్రాజెక్టు ద్వారా కాకినాడ, మచిలీపట్నం, రామాయపట్నం వంటి పోర్టులు కలుస్తాయని తెలిపారు. ఈ ప్రాజెక్టు అమలు అయితే తీర ప్రాంత పరిశ్రమలు, చేపల వేట గ్రామాలు మరియు సరుకు రవాణాకు పెద్ద ప్రయోజనం ఉంటుందని అన్నారు.

తమిళనాడుకు చెందిన Thanthi TV కి ఇచ్చిన ఎక్స్‌క్లూజివ్ ఇంటర్వ్యూలో ఆంధ్రప్రదేశ్ ఉప ముఖ్యమంత్రి పవన్ కళ్యాణ్ గారు కూటమి రాజకీయాలపై స్పందించారు. కూటమి ప్రభుత్వాల్లో విభేదాలు రావడం సహజమని అన్నారు. అయితే ప్రజలకు ఇచ్చిన హామీలను నెరవేర్చడమే కూటమిని బలంగా నిలబెట్టే ప్రధాన కారణమని తెలిపారు. నాయకుల మధ్య పరస్పర గౌరవం, సహకారం ఉంటే కూటమి ప్రభుత్వాలు సమర్థంగా పనిచేస్తాయని పవన్ కళ్యాణ్ గారు పేర్కొన్నారు.

Thanthi TV కి ఇచ్చిన ఎక్స్‌క్లూజివ్ ఇంటర్వ్యూలో ఆంధ్రప్రదేశ్ ఉప ముఖ్యమంత్రి పవన్ కళ్యాణ్ గారు నటుడు విజయ్ రాజకీయ ప్రవేశంపై ఆసక్తికర వ్యాఖ్యలు చేశారు. ప్రతి రాష్ట్ర రాజకీయ పరిస్థితులు భిన్నంగా ఉంటాయని, ఒకే విధమైన వ్యూహం అన్ని చోట్ల పనిచేయదని ఆయన అన్నారు.
రాజకీయాల్లో విజయవంతం కావాలంటే ప్రజల మధ్య ఉండి వారి సమస్యలను ప్రత్యక్షంగా తెలుసుకోవడం చాలా ముఖ్యమని పవన్ కళ్యాణ్ గారు తెలిపారు. పార్టీని స్థాపించి ముందుకు తీసుకెళ్లడం సులభం కాదని, దానికి సమయం, సహనం మరియు కష్టపడి పని చేయాల్సి ఉంటుందని చెప్పారు.
తన సోదరుడు చిరంజీవి గారు ప్రజారాజ్యం పార్టీని ప్రారంభించినప్పుడు ఒంటరిగా పోటీ చేసి మంచి ఓటు శాతం సాధించారని ఉదాహరణగా పేర్కొన్నారు. అయితే ప్రతి నాయకుడు తన పరిస్థితులకు అనుగుణంగా తనదైన రాజకీయ వ్యూహాన్ని రూపొందించుకోవాలని పవన్ కళ్యాణ్ గారు సూచించారు.

తమిళనాడుకు చెందిన ప్రముఖ మీడియా సంస్థ Thanthi TV కి ఇచ్చిన ఎక్స్‌క్లూజివ్ ఇంటర్వ్యూలో ఆంధ్రప్రదేశ్ ఉప ముఖ్యమంత్రి పవన్ కళ్యాణ్ గారు తన రాజకీయ ప్రయాణంపై ఆసక్తికర వ్యాఖ్యలు చేశారు. జనసేన పార్టీ ప్రారంభించినప్పుడు తన వద్ద ఎలాంటి శక్తి లేదా పెద్ద నాయకులు లేకపోయినా ఖాళీ చేతులతో ప్రజల మధ్యకు వచ్చానని తెలిపారు. ఈ ప్రయాణంలో విజయాలు, పరాజయాలు రెండూ ఎదురైనా తనకు ఎలాంటి పశ్చాత్తాపం లేదని, తన సామర్థ్యానికి తగ్గట్టు ఉత్తమంగా పని చేశానని చెప్పారు.

కాకినాడ జిల్లా, ప్రత్తిపాడు నియోజకవర్గం జనసేన పార్టీ 13వ ఆవిర్భావ దినోత్సవం సందర్భంగా సోమవారం 16/03/2026 ఏలేశ్వరం మండలం జె. అన్నవరం గ్రామంలో వేడుకలు ఘనంగా నిర్వహించారు. ఈ సందర్భంగా ప్రత్తిపాడు నియోజకవర్గ జనసేన పార్టీ నాయకురాలు వరుపుల దుర్గవేణి తమ్మయ్యబాబు గారు, వరుపుల సాయి కిరణ్ గారు గ్రామాన్ని సందర్శించి కార్యక్రమాల్లో పాల్గొన్నారు.

కార్యక్రమం ప్రారంభానికి ముందు నాయకులు, కార్యకర్తలతో కలిసి గ్రామంలోని హనుమంతుడు ఆలయాన్ని సందర్శించి స్వామివారిని దర్శించుకున్నారు. అనంతరం గ్రామ సెంటర్లో వరుపుల దుర్గవేణి గారి చేతుల మీదుగా జనసేన పార్టీ జెండాను ఆవిష్కరించి పార్టీ ఆవిర్భావ దినోత్సవాన్ని ఘనంగా జరుపుకున్నారు.

ఈ సందర్భంగా జనసేన పార్టీ అధ్యక్షులు శ్రీ కొణిదెల పవన్ కళ్యాణ్ గారి ఆదేశాల మేరకు వరుపుల దుర్గవేణి గారు ఉద్యమి సభ్యత్వ నమోదు కార్యక్రమాన్ని ప్రారంభించి గ్రామంలో ఇంటింటికి తిరిగి ప్రజలను సభ్యత్వంలో చేర్చే కార్యక్రమాన్ని చేపట్టారు. పార్టీ సిద్ధాంతాలు, ప్రజా సంక్షేమ లక్ష్యాలను వివరించి స్థానిక ప్రజలను ఉద్యమి సభ్యత్వంలో చేరేలా నాయకులు ప్రోత్సహించారు.

ఈ కార్యక్రమంలో ఏలేశ్వరం మండల అధ్యక్షులు మరియు జె. అన్నవరం ఉపసర్పంచ్ శ్రీ కాలారి శ్రీను గారు, తూర్పు లక్ష్మీపురం గ్రామ జనసేన పార్టీ అధ్యక్షులు శ్రీ వీరంరెడ్డి దొరబాబు గారు, పంతం చక్రవర్తి గారు, సమ్మెట దొరబాబు గారు పాల్గొన్నారు. అలాగే గ్రామ నాయకులు కాపారపు సురేష్ గారు, జె. అన్నవరం గ్రామ జనసేన పార్టీ అధ్యక్షులు కొండపల్లి గంగాధర్ గారు, కాలారి పెద్దబాబు గారు, దాసం చిన్న గారు, పినపర్తి సుబ్బారావు గారు, కాపారపు శ్రీను గారు, కసిరెడ్డి రాజా గారు, కాలారి కృష్ణ గారు తదితర నాయకులు హాజరయ్యారు.

అలాగే మర్రివీడి గ్రామ జనసేన పార్టీ అధ్యక్షులు నానిశెట్టి భవాని శంకర్ గారు, ఏలేశ్వరం మండలంలోని తూర్పు లక్ష్మీపురం, జె. అన్నవరం, మర్రివీడు, పరిమితటక తదితర గ్రామాల నుండి భారీ సంఖ్యలో పార్టీ నాయకులు, కార్యకర్తలు, వీర మహిళలు మరియు తమ్మయ్యబాబు గారి అభిమానులు పాల్గొని కార్యక్రమాన్ని విజయవంతం చేశారు.

జనసేన పార్టీ ఆవిర్భావ దినోత్సవ వేడుకలు ఉత్సాహభరిత వాతావరణంలో కొనసాగగా, నాయకులు మరియు కార్యకర్తల సమిష్టి కృషితో ఈ కార్యక్రమం విజయవంతం చేశారు.

అమరజీవి పొట్టి శ్రీరాములు గారి 125వ జయంతి సందర్భంగా ఆంధ్రప్రదేశ్ ఉప ముఖ్యమంత్రి పవన్ కళ్యాణ్ గారు ఆయనకు ఘన నివాళులు అర్పించారు. తెలుగు జాతి ఆత్మగౌరవం కోసం ప్రాణత్యాగం చేసిన మహనీయుడు పొట్టి శ్రీరాములు గారని ఆయన పేర్కొన్నారు. ఆయన చేసిన నిరాహార దీక్ష, ఆత్మబలిదానం ఫలితంగానే తొలి భాషా ప్రాతిపదిక రాష్ట్రంగా ఆంధ్ర రాష్ట్రం ఏర్పడిందని తెలిపారు.
పొట్టి శ్రీరాములు గారి త్యాగం కారణంగానే తరువాత దేశంలో మరిన్ని భాషా ప్రాతిపదిక రాష్ట్రాల ఏర్పాటుకు మార్గం సుగమమైందని పవన్ కళ్యాణ్ గారు అన్నారు. ఆయన చేసిన త్యాగాన్ని భవిష్యత్ తరాలు గుర్తుంచుకునేలా అమరావతిలో మెమోరియల్ ట్రస్ట్‌కు ప్రభుత్వం భూమి కేటాయించిందని తెలిపారు.
అలాగే ఆయన 58 రోజుల నిరాహార దీక్షకు గుర్తుగా 58 అడుగుల విగ్రహాన్ని ఏర్పాటు చేయడం ఆనందదాయకమని చెప్పారు. రాష్ట్రంలో జల జీవన్ మిషన్ ద్వారా అమలు చేస్తున్న వాటర్ గ్రిడ్ పథకానికి “అమరజీవి జలధార” అని పేరు పెట్టినట్టు పవన్ కళ్యాణ్ గారు తెలిపారు. ఈ పథకం ద్వారా గ్రామీణ ప్రాంతాల్లో ప్రతి వ్యక్తికి స్వచ్ఛమైన తాగునీరు అందించే లక్ష్యంతో ప్రభుత్వం పనిచేస్తోందని అన్నారు.

నందిగరు గ్రామంలో మాట్లాడిన పవన్ కళ్యాణ్ గారు గత ప్రభుత్వంపై విమర్శలు చేశారు. కేంద్ర ప్రభుత్వం ఇచ్చిన నిధులు గతంలో కూడా ఉన్నప్పటికీ వాటిని సరిగా వినియోగించలేదని అన్నారు. అదే నిధులను సక్రమంగా వినియోగించి ఇప్పుడు గ్రామాలకు రహదారులు నిర్మిస్తున్నామని తెలిపారు.
గత రెండు సంవత్సరాల్లో దాదాపు 460 కిలోమీటర్ల రహదారులు నిర్మించామని వెల్లడించారు. ఇంకా వేయాల్సిన రహదారులు, అందించాల్సిన నీటి కనెక్షన్లు చాలా ఉన్నాయని చెప్పారు. ప్రజల సమస్యలను పరిష్కరించేందుకు ప్రభుత్వం కట్టుబడి ఉందని పవన్ కళ్యాణ్ గారు స్పష్టం చేశారు.

హైదరాబాద్‌లో జరిగిన “ఉస్తాద్ భగత్ సింగ్” ప్రీ రిలీజ్ ఈవెంట్‌లో పవర్ స్టార్ పవన్ కళ్యాణ్ భావోద్వేగంగా మాట్లాడారు. కార్యక్రమానికి వచ్చిన అభిమానులకు, టీవీల్లో చూస్తున్న తెలుగు ప్రజలకు హృదయపూర్వక నమస్కారాలు తెలిపారు. తన జీవితంలో సినిమాకు ఎంతో ప్రత్యేకమైన స్థానం ఉందని చెప్పారు.
“నాకు అన్నం పెట్టింది సినిమా… ప్రజలకు సేవ చేసే గుర్తింపునిచ్చింది కూడా సినిమా” అని పవన్ కళ్యాణ్ అన్నారు. అందుకే తన సినిమాలు మాత్రమే కాకుండా నిర్మాతలు, దర్శకులు, టెక్నీషియన్లు అందరూ బాగుండాలని కోరుకుంటానని తెలిపారు. సినిమా విజయం పూర్తిగా ప్రేక్షకుల చేతుల్లోనే ఉంటుందని, తాము కష్టపడి పని చేయడమే తమ బాధ్యత అని అన్నారు

ఉస్తాద్ భగత్ సింగ్ ఫ్రీ రిలీజ్ ఈవెంట్లో
తన అభిమానుల గురించి మాట్లాడుతూ పవన్ కళ్యాణ్ గారు భావోద్వేగానికి గురయ్యారు. అభిమానులు లేకపోతే పవన్ కళ్యాణ్ అనే వ్యక్తి ఉండేవాడు కాదని అన్నారు. “మీరు నా గుండెకు చాలా దగ్గరగా ఉంటారు… మీ ప్రేమే నా బలం” అని చెప్పారు.
“ఉస్తాద్ భగత్ సింగ్” సినిమా గబ్బర్ సింగ్ లాంటి భారీ విజయం సాధించాలని కోరుకుంటున్నానని తెలిపారు. అయితే తుది తీర్పు మాత్రం ప్రేక్షకులదేనని అన్నారు. చివరగా అందరికీ ఉగాది, రంజాన్ శుభాకాంక్షలు తెలియజేశారు.

ఉస్తాద్ భగత్ ప్రీ రిలీజ్ ఈవెంట్‌లో మెగాస్టార్ చిరంజీవిపై పవన్ కళ్యాణ్ తన అభిమానాన్ని వ్యక్తం చేశారు. తన జీవితంలో ఒకే ఒక్క హీరో చిరంజీవి గారేనని చెప్పారు. ఆయన పక్కన ఉంటే తాను హీరో అన్న విషయం కూడా మర్చిపోతానని అన్నారు.
ఉస్తాద్ భగత్ సింగ్ ట్రైలర్ చూసి చిరంజీవి ట్వీట్ చేయడం తనకు చాలా ఆనందంగా ఉందని తెలిపారు. అలాగే రామ్ చరణ్ కూడా సినిమాను ప్రోత్సహిస్తూ ట్వీట్ చేసినందుకు ధన్యవాదాలు చెప్పారు. తమ కుటుంబం నుంచి వస్తున్న ఈ ప్రోత్సాహం తనకు ఎంతో సంతోషాన్ని ఇస్తుందని పవన్ కళ్యాణ్ అన్నారు.