గత ప్రభుత్వం చేయలేని పనులు ఇప్పుడు చేస్తున్నాం: పవన్ కళ్యాణ్ గారు

నందిగరు గ్రామంలో మాట్లాడిన పవన్ కళ్యాణ్ గారు గత ప్రభుత్వంపై విమర్శలు చేశారు. కేంద్ర ప్రభుత్వం ఇచ్చిన నిధులు గతంలో కూడా ఉన్నప్పటికీ వాటిని సరిగా వినియోగించలేదని అన్నారు. అదే నిధులను సక్రమంగా వినియోగించి ఇప్పుడు గ్రామాలకు రహదారులు నిర్మిస్తున్నామని తెలిపారు.
గత రెండు సంవత్సరాల్లో దాదాపు 460 కిలోమీటర్ల రహదారులు నిర్మించామని వెల్లడించారు. ఇంకా వేయాల్సిన రహదారులు, అందించాల్సిన నీటి కనెక్షన్లు చాలా ఉన్నాయని చెప్పారు. ప్రజల సమస్యలను పరిష్కరించేందుకు ప్రభుత్వం కట్టుబడి ఉందని పవన్ కళ్యాణ్ గారు స్పష్టం చేశారు.