కాకినాడ ప్రభుత్వ సర్వజన ఆసుపత్రిలో అధునాతన క్యాన్సర్ చికిత్సా కేంద్రం ఏర్పాటుకు చర్యలు జరుగుతున్నాయని కాకినాడ ఎంపీ తంగెళ్ల ఉదయ్ శ్రీనివాస్ తెలిపారు. రూ.36.6 కోట్లతో డ్యూయల్ ఎనర్జీ LINAC యంత్రాన్ని ఏర్పాటు చేయనున్నట్లు చెప్పారు. ఉప ముఖ్యమంత్రి పవన్ కళ్యాణ్ చొరవతో ONGC CSR నిధులు సమకూరుతున్నాయని పేర్కొన్నారు. రూ.3.5 కోట్లతో మొబైల్ క్యాన్సర్ స్క్రీనింగ్ వాహనం కూడా త్వరలో అందుబాటులోకి రానుందని తెలిపారు. CT సిమ్యులేటర్, HDR బ్రాకీథెరపీ తదితర సదుపాయాలతో కాకినాడతో పాటు పరిసర జిల్లాల క్యాన్సర్ రోగులకు మెరుగైన వైద్యం అందుబాటులోకి వస్తుందని ఎంపీ వెల్లడించారు.