జనసేన పార్టీ కమిటీల నియామకానికి మరికొన్ని వారాల సమయం

మంగళగిరి: జనసేన పార్టీ సంస్థాగత నిర్మాణాన్ని మరింత బలోపేతం చేసే దిశగా కమిటీల నియామక ప్రక్రియ కొనసాగుతోంది. పార్టీ క్రియాశీలక సభ్యత్వాన్ని మరింత పెంచడంతో పాటు, వివిధ స్థాయిల్లో పార్టీ నిర్మాణాన్ని పూర్తి చేసేందుకు వచ్చిన దరఖాస్తులను పరిశీలిస్తున్నారు. పార్లమెంట్ స్థాయి నుంచి పంచాయతీ స్థాయి వరకు వచ్చిన దరఖాస్తులపై క్షేత్రస్థాయి పరిశీలన అనంతరం సమర్థులైన వారికి బాధ్యతలు అప్పగించనున్నారు. ఈ ప్రక్రియను సమగ్రంగా పూర్తి చేసేందుకు మరికొన్ని వారాల సమయం పట్టే అవకాశం ఉందని జనసేన పార్టీ కేంద్ర కార్యాలయం వెల్లడించింది.