తెలంగాణలో జనసేన బలోపేతానికి నడుం బిగిద్దాం: తాళ్లూరి రామ్

చేవెళ్లలో నిర్వహించిన జనసేన కార్యకర్తల ఆత్మీయ సమావేశంలో పార్టీ ప్రధాన కార్యదర్శి శ్రీ తాళ్లూరి రామ్ మాట్లాడుతూ, అధ్యక్షుడు శ్రీ పవన్ కళ్యాణ్ ఆదేశమే ప్రతి కార్యకర్తకు కర్తవ్యమని, తెలంగాణలో జనసేనను మరింత బలోపేతం చేయడానికి అందరూ సమష్టిగా పనిచేయాలని పిలుపునిచ్చారు. తెలంగాణపై పవన్ కళ్యాణ్‌కు ప్రత్యేకమైన మక్కువ ఉందని, రాష్ట్ర సమస్యల పరిష్కారం కోసం ఆయన నిరంతరం కృషి చేస్తున్నారని తెలిపారు. వేలాది మంది 'సాధక్'లు, లక్షలాది మంది 'ఉద్యమి'లు పార్టీకి మూలస్థంబాలని పేర్కొన్నారు. 2014 నుంచి పార్టీ కోసం కృషి చేస్తున్న కార్యకర్తలను వేదికపై సత్కరించారు. యువత రాజకీయాల్లోకి వచ్చి ప్రజలకు సేవ చేయాలన్న పవన్ కళ్యాణ్ ఆశయాన్ని గుర్తుచేస్తూ, చేవెళ్లకు చెందిన ప్రజీత్ గౌడ్, తనూజా రెడ్డి వంటి నాయకుల ఎదుగుదలను ఉదాహరణగా పేర్కొన్నారు. అనంతరం పలువురు స్థానిక యువకులు జనసేన పార్టీలో చేరారు.