బీ ఫారాలు పొందిన అభ్యర్థులకే మద్దతివ్వాలి: పవన్ కళ్యాణ్

స్థానిక సంస్థల ఎన్నికల్లో కూటమి నాయకత్వం ఖరారు చేసిన అభ్యర్థులకే మద్దతు ఇవ్వాలని ఉప ముఖ్యమంత్రి పవన్ కళ్యాణ్ పిలుపునిచ్చారు. నామినేషన్లు వేసిన వారందరికీ అవకాశం కల్పించడం సాధ్యం కాదని, జనసేన తరఫున అధికారికంగా బీ ఫారాలు అందుకున్న అభ్యర్థులకు నాయకులు, కార్యకర్తలు సహకరించాలని సూచించారు. అవకాశం దక్కని ఆశావహులకు భవిష్యత్తులో అండగా ఉంటామని తెలిపారు. మూడు పార్టీల మధ్య ఐక్యతను కాపాడుకోవాలని కోరారు.